लोलाएका आँखा टाँसेकाकेही भावहीन अनुहारहरु
मेरो दृश्यमा यताउती गरिरहेछन् ।
यस्तो लाग्दैछ
हरेकका आँखा प्रश्न चिन्ह हुन् ।
म बुझ्दिन यी गाम्भिर्य
यी रहस्यहरु ।
पोको पारेर समस्या
हिडिरहेछु गन्तव्य भेट्न
त्यति सजिलो छैन यात्रा ।
बालेर रांको हृदयमा दनदनी
हिड्नु सजिलो छैन अँध्यारोमा महोदय ।
भो अब नजर नडुलाउ तिमी मेरो बगैचातिर
वर्षौ भैसकेको छ यहाँ प्रेमको खडेरी पछि
कुनै फुल फुलेका छैनन् ।
ती स्वतन्त्र चराका चिरबिर छैनन् ।
अब मेरो पर्खाइमा बस्न छोडिदेउ तिमी
हो ! मैले वाचा हारिसकेको छु ।
मैले एक्लै तय गर्नुछ भिन्न यात्रा
म पुग्नुछ सुर्य क्षितिजमा विलाउनु अघि ।
आकाशमा तारा टिलपिलाउनु अघि ।
गौथलीहरु गुडमा फर्कनु अघि ।
जीवनको 'करारपत्र'मा
अन्तिम हस्ताक्षर गर्नु अघि......।
एक्दमै मन छुने छ ।
ReplyDeleteधेरै धेरै धन्यवाद प्यारे ।😍😍
Deleteधेरै धेरै धन्यवाद प्यारे ।😍😍
DeleteThis comment has been removed by the author.
Delete