खै कसरी पो ,
फूल्न र फल्न सकिन्छ र ?
यो बिकृत जमिनको पिंदबाट
उम्रनु पनि अभिषाप रहेछ !
म त झन् अभावको पराकाष्ठामा ,
थुनिएको कैदी मानचित्रबाट ,
रचिएको एक अबैध सपना !
जसले जन्मिन मात्र पनि
कैयौं अवरोधहरूको सामना गर्नु पर्यो !
अझ यहाँ त तैनाथ छन्
जिन्दगीको राजधानिमा चोकै पिच्छे
कैयौं ठमेलहरू !
अभावलाई हतियार चलाइ
आकर्षक गर्छ्न
प्रलोभनको ललिपप देखाइ
फसाउन आतूर बन्दै
स्निग्ध सुकुमारी हरूलाई !
र चढाउछ्न् निर्ममता पुर्वक !
यौवनका प्यासाहरूलाइ !
महंगो डिल गरेर ,
सुम्पिन्छ्न् कुमारी रातहरूलाई !
खै कसरी फूल्न र फल्न सकिन्छ र ?
यो बिकृत जमिनको पिंदबाट त ,
उम्रनु पनि अभिषाप रहेछ !
हो ! यहाँ त तैनाथ रहेछ्न् !
चोक - चोकमा दलालिहरू !
बाध्यताको फाइदा उठाइ ,
कर्जा दिन्छ्न् जवानी धितो राखेर !
र अनुपयुक्त समयमा ,
खुलेयाम अस्तित्वको धज्जि उडाइ
जिन्दगी नै लिलाम गरिदिन्छ्न् !
पेण्डिङमा बस्छ्न् सालौं साल सम्म
योग्यता र सर्टिफिकेटका दस्तावेजहरू !
लामो लाइनमा टाँगिन्छ्न सरिफहरू !
भुनभुनाउन थाल्छ गेट बाटै कार्यलयहरूमा !
नातबाद - कृपाबाद र घुसपैठका दुर्गन्धित
फ्लेवरहरू !
घुम्ने कुर्चिबाटै कामुक आँखा लगाउछ्न्
हाकिमहरू !
खै कसरी पो, फूल्न र फल्न सकिन्छ र ?
यो बिकृत जमिनको पिंदबाट
उम्रनु पनि अभिषाप रहेछ !
म त झन् ,
अभावको पराकाष्ठाले थुनिएको कैदी
मानचित्रमा रचिएको अबैध सपना !
जसले जन्मिन मात्र पनि ,
कैयौं अवरोधहरूको सामना गर्यो !
थकित अन्दाजमा ला.....मो सुस्केरा फाल्छ्न् !
र , हरेक राती अवचेतनामै लामो बिलाप गर्छ्न
म संग
No comments:
Post a Comment